နွေတေးရှင်(မင်းဧရာ)

မျက်ဝန်းကိုမှိတ်

အေး အရိပ်၌

ချွေးသိပ်ပါဦး

ပန်းကုံးပန်းဆိုင်

အခိုင်ခိုင်နှင့်

သွန်းဖြိုင်ကာဖြိုး

ထီးဖြူမိုး၍

တိမ်ခိုးဦးခိုက်

သူလည်းရှိုက်၏

မှောင်မိုက်လှသည့်နေ့ပါတကား။

တူသားမောင်မယ်

အသွယ်သွယ်ဆင့်

ရှူ့ ချင့်ပါဦး

သူ့ပခုံးသည်

ဝန်စည်စလွယ်

အထည်ထည်နှင့်

မဖယ်မရုန်း

ကြယ်တစ်ကုံးကို

အဆုံးသီပေးနိုင်ခဲ့၏။
 

ထိုသူခြယ်မှုန်း

ကြယ်တစ်ကုံးညီ

မပြေမလျော့

ညွှတ်ကော့နေအောင်

ဝန်ဆောင်ထမ်းရွက်

လွှဲအပ်ပခုံး

သက်ကြွေပြုန်းသည်

အဆုံး ဆယ့်ကိုးဒီဂျူလိုင်။

ငွေနှင်းမှုန်ခမ်း

တပေါင်းလမ်းက

ရွက်နွမ်းကိုပွေ့

ကျွမ်းမြေ့မြေ့နှင့်

လွမ်းငွေ့ခြယ်မှုန်း

ရင်ဝယ်နုံးလျှင်

ကြော့ဆုံးဘယ်သို့ ဖြေပေမည်

ရာသီရွေ့လျား

မြူဇာပါး နှင့်

ပိုင်းခြားကာရံ

မောင့်အသံကို

ကြားရန်မဆင့်

နားယံ သင့်က

ရင်မှဥသြဖြေပါမေ

သည်းကြွေပျက်ပြုန်း

တွန်စေဦးလို့

အဆုံးရင်ကွဲ 

နွေပြန်ထဲ ၌

 ထွေးပိုက်စေရာ

ဝေဒနာကို

ပြေရာဘယ်သို့ ဆုမခြွေ ။

 ( သည်နွေ ဘယ်မျှရှည်စေတော့  )

ရွက်ဖျားနှင်းခို

အအေးပိုတော့

မောင့်ကိုရည်မှန်း

ထွေးလှည့်စမ်းလို့

ရော်ရမ်း၍များ ဆိုမလား ။

မြူနှင်းကွယ်ပျောက်

နွေကိုရောက်၍

ပိတောင် ခိုင်ညှာ

မြင်မိပါရင်

မောင့်ပင်ရည်မှန်း

ဆင်လှည့်စမ်းလို့

ရော်ရမ်း၍များ ဆိုမလား ။

သနားမညှာ

ညဥ့်ယံလွှာတွင်

ဝဠာဆိတ်သုဉ်း

တိမ်လိပ်ဖုံး၍

ထစ်ချုန်းမြည်ဟီး

လျှပ်စီးလက်ဖြာ

သိပ်ငယ်ရှာ လျှင်

မောင့်ရင်ပင်မှန်း

ကွယ်လှည့်စမ်းလို့

ရော်ရန်း ၍များဆိုမလား ။

အခုများဖြင့်

ပိတောက်ပွင့်ညှာ

ကြွေကာလွန့်လူး

လေရူးဝေ့၀ိုက်

မိုးလုံးမိုက်မှောင်

လျှပ်လျှက်ရောင်စီး

မငြီးမငို

မယ့်တစ်ကိုယ်ပင်

ဆိုစဉ် ဆောင်းရက်သက်ခဲ့ပြီ  ။

ဟိုတလောက

မိုက်သွေးကြွ ၍

ငှက်လှ လေထဲ

ပျံကာဝဲ တော့

မာန်မဲကျုံးကာဟောင်တော့၏ ။

ရှူ့ပျော်သယောင်

ထိုပြည်ထောင်ဝယ်

ပိတ်မှောင်ကာဆီး

ဥာဏ်ရည်မီးလည်း

ထိန်ညီးမစွမ် နိုင်ရှာပြီ ။

ကြယ်ညီတစ်ဆုပ်

သန်းခေါင်းယုတ် ၌

ဖုံးအုပ်တိမ်မဲ

အားအံခဲလည်း

မွဲမြဲ မမြင်

များလူ ရှင် တွင်

ကျွန့်ထင်ပညာမရှိပြီ ။

ရေစီးပြေစွာ

လေလာဖြန့်ဖြူး

တေးကျူးညီညီ

မောင်မယ်သည်လည်း

သိပ်သည်းကျဉ်းမြောင်း

ငါ မာန်စောင်းနှင့် 

တွေးချင့်မမြော်

ပြည်တော်ဘယ်တော့ ငြိမ်းမည်နည်း ။

ဖုန်ထဲမှာပဲ  လူးလူး

ချောင်းနဖူးမှာပဲ  အိပ်အိပ်

ခြုံသိပ်ရာမှာပဲ  ခိုခှို

ဇာတ်နာအောင် ကျုပ်မငိုဘူး  ။

ကျုပ်ကျွမ်းမှ လန်းမည့်ပန်း

ကျုပ်အလွမ်းနဲ့ ချမ်းမည့် မြင်းမိုရ်

ဟောသည့်  ပြဿဒါးရက်ကို

ကျုပ်ကြိတ်ကြိတ်ပြီး  ချိုပြစ်လိုက်တယ် ။

ထောင်ချင်ထောင်  တန်းချင်တန်း

ငရဲထက် ကြမ်းတဲ့ ပြည်အ၀င်

မေးတင်မိတာလည်း ခဏ  ခဏ

ဒါပေမယ့်လေ  ကျုပ်တံတွေးတွေပဲ  မျိုမျိုချနေရတယ် ။

ခရီးဖင့်နှေး

ရွာရက်ဝေးမှ

ကြူမွှေးပန်းငုံ

ရင်ငွေ့လှုံသည်

ပဇ္ဇုန် ဘယ်သို့ရှိပေမည် ။

ဝေပါ စွေရှာ

ဟို အခါက

အငြိုးချချေ

မြရည်ဖွေ လိမ်း

တမင်စိမ်း လည်း

ရာသီသိမ်းထိ စွေဖူး၏ ။

အခုတော့ဖြင့်လေ

ပန်းနှောင်း

မိုးနှောင်း

မရွာကောင်းမှ

ဒီရေတောင်းသူ

ထိုမဉ္ဇူ ခို

တိမ်ညို မပြိုသာတော့ပြီ ။

တိမ်ညိုတွေငိုကာ မှ
စိုခွင့်ရမယ့် ဒီမြေလည်း
ကွဲအက်ခါနေပါစေတော့  ။

 ငွေကြယ်တွေ အရောင်ကြွဖို့
မှောင်ပြရတဲ့ သန်းခေါင်လို
ကောင်းကင်ညိုလို့ မငိုတော့ဘူး  ။

ပန်ခဲ့ဘူးသော  သစ္စာကြောင့်
ဆုတစ်ခုအဖြစ် မြှောက်ခဲ့ရင်
ကိုယ်တိုင်ချူဆင်ခွင့်   ရမှ
ပန်းလှလှကို  မြင်ပါရစေ ။

ကျွမ်းမြိုက်လောင်ဆူ

ရင်၌ပူ လို့ 

ကျူကျူဟစ် ကြွေး

ပိုက်ထွေးသောက

ထိုနွေညလည်း ကျန်ခဲ့ပြီ ။

ဝေ့သီမျက်ဝန်း

သောကစွန်း လို့ 

နွေကျွန်းအလည်

အလွမ်းသည် ပင် 

ဆိတ်ကွယ် သံတိုး

ဤမြူခိုးနဲ့

ခပ်တိုးတိုးသာ ဝေတော့၏ ။

မျောလွင့်ရှည်ကြာ

ရော်ရွက်ဝါ နှင့်

ဒဏ်သင့် အတူ

မျက်ရည်ပူလည်း

အက်ကွဲခန်းခြောက်

ခြေရာဖျောက်လို့

ကွယ်ပျောက်ငုံ့လျှိုး

ထိုညဆိုး မှ

သောက တစ်ရေးနိုးခဲ့ချိန် ။

 ဟောဒီ မျက်ရည်စက်က
သမုဒယ လို့ဆိုခဲ့ရင်
မောင် ခေါင်းခါဖို့ မပြင်ဘူး

 ငွေကြယ်တွေ ဖူးဖို့
ညဦးက မှောင်ရရင်
အဲဒီ ရင်ပြင်က သောက
မောင်ဖွဖွလေး သိမ်းထားမယ် ။

ဘယ်တော့မှ မပြယ်သော ရနံ့
ခင်းဖြန့်ထားတဲ့ မြေလွှာ
ကြွေရဲမှ  ဝေ ပါခင် ။

လွင့်စင်သွား သော မျက်ရည်စက်
ခွင်းထွက်သွားတဲ့ နှလုံးသား
နှစ်သိပ့်ဖို့ကြိုးစား ရင်း
သမုဒယ နံနက်ခင်း မှာ
ချစ်ခြင်းတို့ ဝေခဲ့ပြီ
သစ္စာ တရားနဲ့ချည်သော ကြိုး
ခပ်တိုးတိုးလေး ရိုက်ခတ်
အဝေးဆုံးထိ ခရီးဆက်မယ်  ။

ငါကားထုံဘိ
နုံလိုက်သည့်ဥာဏ်
မိကိုချန်၍

ကောက်နှံ သစ်ပဲ
တစ်ကောင်တည်းမျို
မိအို ဘယ်သို့ရှိလေပြီ ။

မျက်ဝန်းညိုမှိုင်း
နားတို့ ထိုင်း၍
ခါးကိုင်း နုံချိ
ရှိပေသိ ငြား
ရင်များ လှိုက်ဆူ
ကျွန့်တွက်ပူလို့
နှုတ်ကြူသံပေး
ငါ့သားကလေး  သာပါစ  ။

မာရပါသည်
ခွန်းတုံ့သည်မှ
စီးကျရှာ သည်
ထို မျက်ရည်ကား
ပီတိ လေလား  သောကလား   ။

သတ္တ၀ါတွေ  ကျန်းမာပါစေ

ချမ်းသာပါစေ  ဆိုယုံနဲ့

မကုံလုံတဲ့  ကာလ တွေအနားမှာ

နိဗ္ဗာန်ရောက်ကြောင်း  တရားတွေက

နားဝရောက်မှ  ပြန်ပြန်ကြွ

ကလေးတွေ ထမင်းဝကြရဲ့လား   မကြည်ပြာ။ 

တော်ရာမှာနေ နေတာလား  

နေရာမှာ  တော်ရပါများတော့ 

အနွေး ဓါတ်လျော့တဲ့  ရက်များဆို

စောင်ခြုံထားပါ  မကြည်ပြာ

ဘ၀ဆိုတာ  ရေများရာရွာတဲ့မိုး။ 

တိမ်ညွှတ်ကို  မချိုးပါနဲ့

ဗေဒါတွေ  ညှိုးတဲ့ကမ်းမှာ

လေတွေသာ ဖမ်းဆုပ်

တစ်မိုးချုပ်ပြန်ပြီ  မကြည်ပြာ

သည်တစ်ခါလည်း  ရေပါမလာပြန်ဘူး။

ဘယ်လင်းတ နားနား

ကျစ်မသွားတဲ့  လက်ပံပင်

    ဟိုအရင်လိုပါဘဲ  

လက်သည်းကို ဆိတ်တာတောင်

ကျိတ်ခွင့်မရတဲ့  အံသွားက 

ကျုပ်ကို  သနားနေလိုက်တာ

ယနေ့  နေမသာဘူး   မကြည်ပြာ။

မီးတဟုန်းဟုန်း

ခရေရိပ်

တွေး တဆိတ်ခိုဝင်တော့

မြညှာနှော့ အသွေးညီကို

ကျွန်ရွေးကာ သီခဲ့ပါရဲ့

ရွယ်ရည်တဲ့ ခင့်ထံမှာ

လှောင်ရယ်ဟန် အသွေးငယ်ကြောင့်

ငုံ့ကာလျှောက် နောက်တဖန်

လည်ပြန်ကာ မကြည့်တော့ပါဘု

ဒီပွင့်ဦး ခရေကိုဖြင့်

ဟို ကုန်းမြင့်ထွဋ်စေတီမှာ

ခင့်ကိုရည် လှူခဲ့ပြီ မို့

ဆုံးအဖို့ သံသရာ

သူ့လိုသာ ခင် သင်းပေလိမ့်

စိုးဆိတ်မျှ မငြင်ပါဘူး

ဆုထူး ထို ပန်ခွင့်ကိုမင့်

ခါသင့်၍ ကြုံပါလျင်

တမယ် ခင်

ထာဝစဉ် ပျော်စေတော့

မြညှာနှော့ အသွေးညီ

ကျွန်ရွေးသီ ခရေကုံး ဖြင့်

နောက်ဆုံးပင့် လက်ဆယ်စုံ

ခင့် အတွက်ပုံခဲ့ပါ ရဲ့

ပျက်ရယ်ဖွဲ့  ကြမ္မာညိုစဉ်

ခရေပင် ဒီအရိပ်က တွေးစိတ် ဆုတောင်း ။

................................................................................................................................................... 

( သူကြီးမင်း ကျွန်တော် နှင့် လုံးသလိုလို ပြားသလိုလို  အောက်ပါများ )

ဟို အပေါ်က( ခရေရိပ် )ကိုရေးနေရင်း အဆုံးသတ်ရန် အတွက် အတော့်ကို ရွာလည်သွားပါတယ် 

ဘာလို့လည်းဆိုတော့ ရေးနေရင်းနဲ့  ကိုရေးနေတာ ဘယ်ထဲကို အကျုံးဝင်နေမှန်း မသိတော့ပါဘူး

ဒါကြောင့်မို့ ကျွန်တော် သူကြီးမင်းကို လှမ်းပြီး အကူအညီ တောင်းရပါတော့တယ်  အောက်မှာ ပထမ ကျွန်တော်ရေးထားတာရော သူကြီးမင်း  ပြင်လိုက်တာရော ထို လုံးသလိုလို ပြားသလိုလိုထဲကနေ ခွဲစိတ်လိုက်တာရော ကို တင်ပေးလိုက်ပါတယ်။

 

ထိုသို့ တင်ပြရခြင်းမှာ ဘာရယ်လို့ ရည်ရွယ်ခြင်းမရှိပေမယ့်လို့  စာပေ အနုပညာ ယဉ်ကျေးမှု့များနှင့် ပတ်သက်လာတဲ့အခါ ( ငါမှသိ ငါမှတတ် ငါ့အထက် ဘယ်သူမှမရှိ  ဆိုသူတွေ  )တစ်ယောက်ကိုတစ်ယောက် ရှုံ့ချနေကြခြင်းထက် ကိုယ်တတ်နိုင်တဲ့ဘက်ကနေ ၀ိုင်းဝန်း ကူညီဖြေရှင်း ခြင်းက ပိုမိုသာလွန် ကောင်းမွန်းကြောင်းကိုသိစေ လိုယုံ သက်သက်ဖြင့်  တင်ပြရခြင်းဖြစ်ပါတယ် ခင်မျာ ။

 ............................................................................................................................................

       ( ပထမ ကျွန်တော် ရေးနေရင်း က သူကြီးမင်းထံ အကူအညီ တောင်းခံပုံ )

 

ခရေရိပ်
တွေး တဆိတ်ခိုဝင်တော့
မြညှာနှော့ အသွေးညီကို
ကျွန်ရွေးကာ  သီခဲ့ပါရဲ့  

ရွယ်ရည်တဲ့  ခင့် ထံမှာ
လှောင်ရယ်ဟန်  အသွေးငယ်ကြောင့်
ငုံ့ကာလျှောက် နောက်တစ်ဖန်
လည်ပြန်ကာ မကြည့်တော့ပါဘု

ဒီပွင့်ဦး  ခရေကိုဖြင့်
ဟိုကုန်းမြင့် ထွဋ်စေတီမှာ
ခင့် ကိုရည် လှူခဲ့ပြီ မို့
ဆုံးအဖို့ သံသရာ
သူ့ လိုသာ ခင် မွှေးပေလိမ့်

စိုးဆိတ်မျှမငြင်ပါဘူး
ဆုထူးထို ပန်ခွင့်ကိုမင့်
ခါသင့်၍ ကြုံပါ လျှင်
တမယ် ခင်
ထာဝစဉ် ပြုံးစေတော့
မြညှာနှော့ အသွေးညီ
ကျွန်ရွေးသီ  ခရေကုံးဖြင့်
နောက်ဆုံးပင့် လက်ဆယ်စုံကို
ခင့် အတွက် ပုံခဲ့ပါရဲ့   လေး......။

အထက်ပါ ကဗျာ လိုလို ဘာလိုလိုက ဘယ်စရင်း ဝင်နေမှန်းမသိဘူးဗျာ  နောက်ပြီး  တစ်ပိုဒ်ချင်းစီမှာ  ပုဒ်မ  ချသင့် မချသင့်  ပေါ့   ကဗျာ ရဲ့    အဆုံးသတ်ပုံလေးကိုလည်း  သုံးသပ်ပေးပါဦး ပြင်သင့်ရင်လည်း  ပြင်ပေးပါ သူကြီးမင်းရေ ။

........................................................................................................................................

( သူကြီးမင်း ကျွန်တော့် ထံသို့ ပြန်ပို့ပုံ )

ခင့်အတွက် ပုံခဲ့ပါရဲ့

ယုံကွဲ့ ခင်လေး။

  

အထက်မှာ ဆိုခဲ့သလိုမျိုး တစ်ယောက်ကိုတစ်ယောက် ဖေးမ မှု့မထားကြပါဘဲ ငါမှသိ ငါမှတတ် ငါ့အထက် ဘယ်သူမှ မရှိဆိုတဲ့ အတွေးတွေ နဲ့များ ခင်ဗျားတို့က  မြန်မာ့ စာပေ လောကကြီးကို တိုးတတ်အောင် လုပ်မည်လေး ဘာလေးနဲ့  ဘုန်းကြီး နှင့် ဘီး နီးပြီးဆိုသလိုပါဘဲ သိပ်ဝေးလှတယ် မထင်ပါဘူး ။

 ( သူကြီးမင်း `၏ ခွင့်ပြုချက် မရယူမိဘဲ သူ့ဆီမှ ပြန်ပို့ထားသော mail အတိုင်း တင်ပြမှု့လေးတွေကို တော့ တောင်းပန်ပါတယ် သူကြီးရေ )။

တိမ်ညိုရည်မှောင်

လေပြေဆောင်စဉ်

မာန်စောင်ထစ်ချုန်း

ရွှေပြည်ဖုံးမျှ

ဘယ်အမုန်းကြောင့် ရွာသနည်း ။

 

စိမ်စိုသစ်လွင်

သည်လွင်ပြင်မှာ

ကန်ရေလည်းပြာ

ပျိုးလည်းသာ၍

စဲပါခဏ

တောင်းပန်ရသည်

ဦးမာဃ သို့ပို့သော စာ ။   

 

အရင်ဘလောဒ့်ဟောင်းက ကဗျာလေးပါဗျာ

အတွေးထဲ ပေါ်လာတုန်း ပြန်တင်လိုက်တာ။

 

ဆန်ကောလောက်မှ မနက်တဲ့ ဇောက်နဲ့

မိုးပေါ်ထောင်ဖေါက်နေလိုက်ကြတာ တဒိုင်းဒိုင်း

အဲဒီ သမိုင်းထဲမှာ ဘယ်ဗျိုင်းမှ ငါး မရှောင်ဘူး ။ 

တိမ်နီနီကို ကြိုးကျစ်ဖို့

ပျိုမျစ်တဲ့ လက်တစ်စုံ

ရေစီးခွင့် မကြုံတဲ့ ဟောဒီမြစ်မှာ

ငါက လှေလည်း ဖြစ်ဖူးပြီ ။

ဒိုင်ယာရီ စာတစ်အုပ်က

ဘ၀ ရဲ့ပြယုဂ်ဆိုရင်

ဟိုတုန်းက ပုံပြင်ကို

ငိုစရာလို့ မထင်တော့ဘူး ။

ရာသီကြမ်းလို့

ခရမ်းစမ်းမပျိုးခဲ့တဲ့ မြေ 

ဘယ်ဆန်းဒေးတွေ မှ တိမ်မပြာဘူး 

ဘယ်မုတ်သုန်ဦး ကရော

ခြောက်ပြစ်စင်လို့လဲ  ။

 ကျုပ်လေ.....................

ဟောဒီကောင်းကင်ထဲမှာ 

တစ်ခါလောက်တော့ ရွှေမှုံကြဲချင်တယ် ။

ဒီကမ်းပြာကြည်

သာစည်ပါလျက်

တရပ္တေက်း

ဟို အဝေးနယ်

စွန့်ပယ်ခွါကြ

ရင်နာ လှပြီ....။

ဘယ်ဆီဆုံရက်

ချိုးရေတွက်လည်း

နက်နဲတစ်ထွာ

သည်ဝမ်းဟာ၍

လွမ်းငွေ့ကိုယ်စီ 

တောက်လောင်သည်သာ

သဟာအဆွေ ခွဲရချေပြီ

ကြိုမည်အသော့ ပြန်လာချိန် ။

  

နေရှိန်ပူပြင်း

ဤသလင်း ၀

မိုးပြမှိုင်းမှိုင်း

တောတိုင်းစိမ်းစို

ကောက်နှံပျို နှင့်

အသွင်တင့်က

သာစွဌာနေ

ကျွန့််နေပြည်ကို

ဝင်ခိုမှေးစက်

သင် ချွေးသတ်စေ

အဆွေ ဤသို့မျှော်သေး၏ ။

 ကိုလွင်ပြင် နှင့် မစံပယ်ချို တို့ အတွက်

 အမှတ်တရပါ  နောင်တစ်ချိန်မှာ တော့

ကျွန်တော်တို့တစ်တွေ ပြန်လည် ဆုံစည်းနိုင်ဖို့

မျှော်လင့်နေရင်း...................................။

ရာသီယွန်းမှ၊ ငွေကွန်းကခွါ

သံဝါတိုးတိတ်၊ ဘယ်အရိပ်တွင်

ခိုဝင်ချွေးသိပ် နေရှာပြီ ။

ဝေသီစွတ်စို၊ မျက်ဝန်းညိုနှင့်

ငါလည်းသင့်လို၊ ခု တစ်ကိုယ်သာ

ရှောင်ခွါဖယ်ရုန်း၊ သူပစ်မုန်းလို့

ကြွေပြုန်းသည်းဆိုင်၊ ဖြေနိုင်ပါဘဲ

ခွေယိုင်လဲလု၊ လမ်းခုလတ်ပင်

ရေးရေးထင်ထင် မမြင်တော့ ။

ဘယ်တော့မှပင်၊ မကြင်သူကို

နင်ငို ငါလွမ်း၊ ခရီးကြမ်း၌

မွှေးကြူရှိုက်ခွင့်၊ ခါမသင့်၍

တမြည့်မြည့်ကျွမ်း၊ အော်မြည်တမ်းရင်း

ဤသလင်းမှာ မိုးတို့ခါခါစွေခဲ့ပြီ ။