(သိလို့ရေးခြင်းလည်းမဟုတ်ပါဘူး..တတ်လို့ရေးခြင်းလည်းမဟုတ်ပါဘူး ပင့်သက်ရှည်ပြေစေတော့လို့... ဖြေလျော့တဲ့နေရာလေးပါဗျာ)

နှောင်းတမြည့်မြည့်

Posted by: နွေတေးရှင် (မင်းဧရာ) / Category:

လေရူးအသော့    မြူးဆော့တစ်ခါ
ဟိုမှာတစ်ရွက်    ဒီတစ်ရွက်နှင်
ရှစ်ခွင်မြူဆိုင်း   ထင်တိုင်းလွမ်းတော့
မှိုင်းဖျော့စွတ်စို   မျက်ဝန်းညိုသည်
သွေဖည်မရုန်း    ခပ်နုံးနုံးပင်
     ဟိုအတိတ်ကိုနှင်မိ၏။

မချိတင်ကဲ      သံကုန်ချွဲသီ
ကြားစေရည်ငြား   ရိုးဖျားတစ်ဖက်
ပင်အိုထက်တွင်   ရှိုက်ငင်ငိုကြွေး
ဖေါ်ဝေးတစ်ကိုယ်   ဥသြပျိုသည်
ဆင့်ဆိုမြည်တမ်း   ပင့်သက်နွမ်းကို
          ငါ့လို သူလည်း
တစ်ကိုယ်တည်းသာ ဖြေရော့မည်။

ရော်ရည်မှန်းဆ   ဟိုတုန်းကများ
မြသားအသွေ့    လေအဝေ့တွင်
ပျော်ဝင်မိန်းမူး   ကိုယ်တိုင်ခူး၍
ပွင့်ဦးကိုဆင်  ပိတောက်ပင်သည်
နွေနေခြည်အောက် ပန်သူပျောက်၍
နွမ်းခြောက်တစ်ခါ ထိုမြေလွှာဝယ်
 ရနံ့ပြယ်ရှာပေရော့မည်။

နှောင်းတမြည့်မြည့်   စောင်းရွေ့ရှာပြီ
ဒီရာသီဦး  ပိတောက်ဖူးကို
သီခူးခွင့်နည်း  ဆင်ခွင့်လွဲလို့
လွင့်ဝဲတစ်ခေါက်  စည်းကိုဖေါက်၍
       လျှောက်ခဲ့လည်ပြန်
ပန်းကြွေကောက်ခါပြန်ခဲ့သည်။


အပြည့်အစုံသို့
19 မှတ်ချက်

မြတ်ရေးသီသော မောင့်ကဗျာ

Posted by: နွေတေးရှင် (မင်းဧရာ) / Category:


မြူခင်းတစ်လှည့်
နှင်းတစ်လှည့်ဆင်
ယုဂံတွင် ၀ဲ
သခင့်ပွဲ ၌
ဦးခိုက်ခြေစုံ
နွှဲခွင့်ကြုံ၍
ပန်းစုံကိုခူး
မောင်သီကျူး၏

ကြည်နူးပြုံးရွှင်
မောင့်သခင်သည်
ရေကြည်ဖျန်းတောက်
မိုးဦးသောက်စ
တောက်ပရွှန်းစို
ရနံ့ချိုဆင့်
လည်တံဝင့်ချီ
ထိုနှင်းဆီ သို့
ကြယ်တို့သီကုံး
ဆံထုံး၌ ဆင်
ကိုယ်စားနှင်သော မောင့်ကဗျာ။


အပြည့်အစုံသို့
11 မှတ်ချက်

ဆေးသားပြို၍ ငိုသောတိမ်

Posted by: နွေတေးရှင် (မင်းဧရာ) / Category:


ခရီးတစ်ထောက်
ရေကြည်သောက်ရာ
ဤမြေမှာကား
ပန်းမျိုးလည်းစုံ
ရဂုံမမည်
ထွေလီသားရဲ
ပျံဝဲ ပိတုန်း
ဝတ်ရည်သုံးရန်
သဒ္ဒါဟန်နဲ့
ချူပြန်ငုံဖူး
သင် ညွှတ်နူးက
မှားမိပေစွ နှမငယ်။

မည်သို့ဆိုစေ
ထိုထိုမြေမှာ
ဝင့် ဝေအချို့
ကြွေအချို့နှင့်
ဆို့ဆို့မျက်ရည်
လျော့ပြေဆံထုံး
အရှုံးရင်ပိုက်
တိတ်တိတ်ရှိုက်ငို
အိပ်မက်ချိုလည်း   ပြိုခဲ့ပြီ။

အို...နှမငယ်
ငါတို့ရေကြည်
ရှာသောက်မည်ဟု
ခြေဦးတည်စ
ပီသစိတ်ကူး
အိပ်မက်ဖူးလည်း
မြေလူးသက်ကြွေ
ခူးခြွေပိတုန်း
ဝတ်ရည်သုံးသူ
ချင့်ချိန်ယူတော့
ကဗျာတကျော့
ဆုံးသည့်အချိန်။



 ကဗျာ အဟောင်းလေးပါ
အကြောင်းလေးတွေ တိုက်ဆိုင်လို့ ပြန်တင်မိလိုက်တာ။

အမှန်တော့ နိုင်ငံခြား ဒါမှမဟုတ် မိဘ အုပ်ထိန်းမှု့ဝေးရာ အရပ်မှာရောက်နေကြရသော အမျိုးကောင်းသာ အမျိုးကောင်းသမီးလေးတွေ ဖတ်စေချင်လို့ ပြန်တင်လိုက်တာလို့ ပြောချင်တာပါ
အဲသည်လိုပြောလိုက်ရင် တစ်မျိုးတစ်မည်ထင်ကြမှာဆိုးရတယ်မဟုတ်လား ။


အပြည့်အစုံသို့
12 မှတ်ချက်