Posted by: နွေတေးရှင် (မင်းဧရာ) / Category:
ကဗျာ
ပစ္စုပ္ပန် ရက်ကြေကို ခင်း
သလင်းပျက်ကြီး အတွင်းမှာ
ကသောင်းကနင်း အစာရှာ
လည်ပြန်ခွင့် မသာတဲ့ အိပ်တန်း
ထုသားပေသားကျ အလွမ်းနဲ့
သိပ်ရမ်းကားနေတဲ့ ညနေ အချို့
တစ်ခါတစ်ခါတော့ ကျုပ် မျက်ရည်တွေ ပျို့မိတယ်
အမေ
သမုဒယ အမြှောင်းမြှောင်းနဲ့
လောကကို ခါးစောင်းတင်
ခွက်ဝင်နေတဲ့ မျက်ဝန်းတွေ
တိုးတိတ်စွာ ငိုနေမလား
ဟိုတုန်းကလို အပြုံးနဲ့
ကျုံးရုန်းပြီး ပြန်ထ
သူရဲကောင်းတွေလို ''က'' ပြပါ
ဘ၀ ဆိုတာ အဲဒါပေါ့ အမေ....။
အပြည့်အစုံသို့
Posted by: နွေတေးရှင် (မင်းဧရာ) / Category:
ခင့် အတွက်
နေသာရဲ့လား ခင်
မုတ်သုန် မြေပြင်မှာ
ကျွံဝင်သွားတဲ့ ခြေရာ
ပြန်ရှာဖို့ မလိုပါဘူး...။
မှုံပြပြ မြို့ရိုးမှာ
အလွမ်းတွေကို တိတ်တိတ်ပျိုး ရင်း
အစွယ်ကျိုးဆင်းလာတဲ့ ဆည်းဆာမှာ
မောင်လည်း နေသာတတ်ခဲ့ပါပြီ ခင်......
တစ်ခါ တစ်ခါတော့
ရီဝေစွာနဲ့ပေါ့။
အပြည့်အစုံသို့
Posted by: နွေတေးရှင် (မင်းဧရာ) / Category:
ဖိုးသာအောင်ရေ......
ဒို့ပြည်ထောင်မှာ ခွေးဟောင်တော့
ကျွန်စိတ် မပြောင်သေးတဲ့ အရိပ်
တိတ်တိတ်လေး တွေ့လိုက်ရရဲ့
တခြား ဟုတ်ပါရိုးလား မောင်
တောယောင်ယောင်
တောင်ယောင်ယောင်
အလကား ကောင်တွေက
''က၀ိ'' ယောင်ဆောင် ဟစ်
တစ်ဆစ် တစ်ဆစ်နဲ့
နွံထဲ နစ်လာတဲ့ ဒို့ပြည်
ခင်များတို့ အတွေးတွေက ဝေရီလို့
အဲဒါလား ထောင်ချောက်
မီးတောက်သွားတဲ့ ဘုန်းကြီးကျောင်း
ခွက်ပျောက်နေတဲ့ တောင်စောင်းမှာ
ကျုပ်တို့ အမျိုးတွေက
ဝမ်းဟောင်းလောင်းနဲ့
မယုံတစ်ဝက် ယုံတစ်ဝက် နဲ့
ကုန်းဘောင်မင်း ပလ္လင် ပေါ်ခွေးတတ်သလို
အမျိုးဖျက်လိုတဲ့ ထိုလက်ကိုမှ
ခင်များတို့က ဘုရား မှတ်လို့....။
ကဲ ကြာတယ်ဗျာ
တည့်တည့်ဘဲ ပြောမယ်
ဘယ်သဘောက်မ သားတွေက ဒါထောင်ချောက်လို့ပြောတာလဲ အခုလက်နဲ့ထောက်ပြပါ
ဘုမသိ ဘမသိကောင်တွေက နေရာတစ်ကာ ခေါင်းတစ်ထောင်ထောင် နောက်ကလူတွေက ဟိုယောင်ယောင် သည်ယောင်ယောင် ကြာရင် တိုင်းပြည်ကြီးပြောင်လိမ့်မယ်ဗျာ့။
( ကျောင်းသား ဟောင်းကြီးများ )
အကယ်၍များ ဒါကိုထောင်ချောက်ပါလို့ ဧကန် ထောက်ပြနိုင်ရင် အောက်က ကွန်မန့်ဘောက်မှာ စိတ်ရှိသလောက် ရေးပြသွားပါ
ပြောတော့ ပြောချင်ပါတယ် ရေးတော့ရေးချင်ပါတယ် ဟို ကြောက်ရ သည်ကြောက်ရ မို့လို့ပါလို့ တော့ ရွှီးမပြနဲ့ ကျုပ်က တည့်တည့်ဘဲ တီးတတ်တယ်။
အဲဒါ
မင်းဧရာ
အပြည့်အစုံသို့
Posted by: နွေတေးရှင် (မင်းဧရာ) / Category:
ကဗျာ
မြေပေါ်တင်လို့မှ
သခင်မှန်း မသိတဲ့ ဒီခွေး
ဘယ့်နှယ် ဆက်ပြီးမွေးရမလဲ....
ဦးသိန်းစိန်.......
တစ်ရက်လောက်ဖြစ်ဖြစ်
ကျုပ်ကိုပေးပါ
ခင်များရဲ့ အာဏာ ကိုပေါ့ ........
ကျုပ်က
နိုင်ငံရေး မလုပ်ပါဘူးဗျာ
ရိုးရိုးကုတ်ကုတ် လေးပါ
သို့ပေမယ့် လို့
ထိပ်ကိုတော့ မပုတ်လေနဲ့
ခွေးမျိုးတွေ ပြုတ်သွားလိမ့်မယ်။
အပြည့်အစုံသို့
Posted by: နွေတေးရှင် (မင်းဧရာ) / Category:
ကဗျာ
လောကကို အုပ်စိုးဖို့
တိမ်တစ်ဆုပ် ပျိုးခဲ့တဲ့ ကောင်းကင်
အထိန်းအကွပ်မဲ့ ပျော်ဝင်တော့
ကျွန်တော့်ရင်ခွင် မဟုတ်ခဲ့ဘူး
''စည်း''ပျောက်သွားတဲ့နောက်
''၀ါး'' နဲ့ထောာက်ခဲ့တဲ့ လင်္ကာ
ဂန္ထ၀င်မတွင်ရှာတော့
ဟို စင်ပေါ်မှာဘဲ ထားလိုက်တယ်
အခုတော့
ဆေးလိပ်တစ်ရှိုက်
အရက်တစ်ကျိုက်နဲ့
ည ခါးခါးတွေကို ထွေးပိုက်ဖို့
ကျွန်တော် နှစ်ခြိုက်တတ်ခဲ့ပြီ။
အပြည့်အစုံသို့
Posted by: နွေတေးရှင် (မင်းဧရာ) / Category:
မင်းဧရာ ဆိုတာ
သိုးရေကိုလည်းမခြုံ
ဝံပုလွေဘုံမှာလည်း
မပျော်ပိုက်
သရော် စာတစ်ပိုဒ်ကတော့
ရင်ကို လာစိုက်လေရဲ့။
မင်းဧရာ ဆိုတာ
ထန်းလက်ကာ ထန်းလက်မိုး
မျိုးရိုးက
သူတောင်းသာသာ
ဟိုခပ်ဝေးဝေးက ဘူတာရုံမှာ
ကျွန်တော်
ပန်းရောင်းစားတဲ့ ရုပ်ပုံလွှာတွေရှိမယ်.....
လုံလောက်မလား
ရွှေမန်းမြို့ အ၀င်နားမှာ
ပီနံအိတ် အကောက်သွားတဲ့
ကျွန်တော့်ခြေရာ
မိုးရွာတာတောင် ဖုံးမသွားရှာဘူး........
လူတစ်လုံး ပီသအောင်
သုံးဆောင်ခဲ့တဲ့ ခွန်အားများက
မုသားမပါ ပါဘူး
တောင်စူးစူး အရပ်မှာ
ရေ အရောင်ထွက်
ဖုံလူးတဲ့ လမ်းအထက်မှာလည်း
အကြော်ဗန်း ရွက်ခဲ့သူပေါ့
တော်လောက်ပြီလား ဂုဏ်ပုဒ်
ပခုံးစုတ်အောင် ကုန်ထမ်း
ပြည်ကြီးတံခွန်
မြို့အ၀င်လမ်းမှာ
ကျွန်တော့်ရဲ့
ထမ်းပိုးကြမ်းကြမ်းတွေ ရှိမယ်
ဆန်ကွဲ တစ်ဆုပ်
ပဲတစ်ဆုပ်နဲ့
တိတ်တိတ်လေး မိုးချုပ်သွားတဲ့
ညနေစာတွေ အနားမှာ
မင်းဧရာ ဆိုတာရှိတယ်။
Posted by: နွေတေးရှင် (မင်းဧရာ) / Category:
ဘကြီးမှုန် မှာတမ်း
ဖိုးသာအောင်ရေ...
ခေါင်းပေါင်းစတွေ
တထောင်ထောင်နဲ့
ရွာလည် ခေါင်ကအိမ်ကြီး
မီးမှောင်မှောင်နဲ့
ငိုက်မျဉ်းနေလေရဲ့...........
ကျုပ်ငယ်ငယ်က
တေးဟောင်းကြီးကို
လူပေါင်းများစွာက လိုက်ဆို
ဟိုး တောင်မှာမိုးညိုလို့
မောင့်ပျိုးခင်း
ရေစို ပါ့မလား.....
တောင်နှင့်မြောက်
မသိခင်က
နားထင်မှာချိုဝင်ပေါက်
အမြီးမြှောက်ပြီး လျှောက်ပြေး
ကလေးလေးတွေကိုလည်း
ပြောပြပါကွယ်.......
နေကိုမျှော်ပြီး
လှေ မလှော်ရင်
ကမ်းကို ဘယ်လိုမြင်မလဲ......
သည်တစ်ခေါက်တော့
သည်လောက်ပါဘဲ ဖိုးသာအောင်
ပြောချင်တာတွေ များပေမယ့်
ရင်ထဲမှာ ခါးခါးလာလို့
ဘကြီးမှုန် နားပါရစေဦး.......။
Posted by: နွေတေးရှင် (မင်းဧရာ) / Category:
ကဗျာ
မြရည်ငယ်စစ်
ရွယ်ဖြိုးသစ်ကြွ
လှစ်ဟသွယ်သွယ်
မင်ခြယ်ပိတုံး
သူ့ပခုံးထက်
ဝိုင်းစက်ကော့ပျံ
ယဉ်ပေ့ဟန်ကိုယ်
နံ့သာချိုနစ်
နွယ်မျိုးစစ်၏....
ခွန်းဆင့်မဆို
မျက်ဝန်းညို၌
ခိုလှိုက်သဒ္ဒါ
ရွှန်ကြည်စွာဝင့်
ထိုပွင့်မာလာ
ခူးခွင့်သာလည်း
သိပ်သည်းအုပ်မိုး
စိုရိုးထိုလက်
မခြောက်အပ်သို့......
သိစေရွယ်ကိုး
နေညိုရိုးမှ
ပြိုကျကဗျာ
ကျွန်ရည်ရာသို့
ဆောင်ယူပို့လော့.......
ဟင်္သာအဆင်း
နွေလည်ခင်းဖန့်
ခင်းဖြန့်ဥယျာဉ်
သူ့ဆံကျင်မှာ
ပန်စေရာပျိုး
နေညိုရိုး မှ
ပျိုးသောကဗျာ........။
Posted by: နွေတေးရှင် (မင်းဧရာ) / Category:
ကဗျာ
ရိုးတံညှာဦး
ပုရစ်ဖူးကြွ
မြူစယှက်ငှင်
တွေရင်ခွင်မှာ
ငြင်သာပိုက်ထွေး
ဖွဖွမွှေး၍
နုပျိုသွေးကို
မွေးခဲ့စဉ်။
အာကာတစ်ခွင်
တိမ်ခိုးစင်၍
ကြည်လင်ရွှန်းပ
နေ့သစ်စ မှာ
လွန့်ကာမြူကြွ
တစစ နှင့်
ရုန်းကြွတစ်လီ
ထိုပန်းချီကို
လေပြည်ရှိုက်နမ်း
ဝေဟင်နန်းမှ
ယွန်းစ နှစ်ဆယ်
ထွန်းပကြယ်သို့
ရွယ်ရည်ပို့သည်
နှင်းသက်တစ်ရာ
ပြည့်စေရာ။
ချစ်လှစွာသော ညီမလေးရေ.....
အသက်နှစ်ဆယ် ပြည့်မွေးနေ့လေးမှသည် နောင်နှစ်ပေါင်း များစွားတိုင်အောင် စိတ်၏ချမ်းသာခြင်း
ကိုယ်၏ ကျန်းမာခြင်းနှင့် ပြည့်စုံပါစေ။
Posted by: နွေတေးရှင် (မင်းဧရာ) / Category:
ကဗျာ
လူတစ်စိတ်
ခွေးတစ်အိတ်နဲ့
ဟို ချောင်းရိုးထိပ်မှာတော့
ဒိုက်တွေအမျေားစိပ်လာတယ်။
ဒို့အမျိုး၊ဒို့အမျိုး
ကြမ်းပိုးတွေက ဟစ်အော်
ရွာကျော်ကာ ခဲပစ်
ခပ်ညစ်ညစ် ထိုအမှိုက်
အဲသည်ဒိုက်နှင့် မျောပါစေ။
အဆီကိုလည်းဖောက်
ရေကြည်ကိုလည်း သောက်
ဖနောင့်နှင့် လည်းပေါက်သွား
ဒါပေမယ့်......
ငါ မင်းမဖြစ်အောင်လည်း ဆုတောင်းသွားဦး။
Posted by: နွေတေးရှင် (မင်းဧရာ) / Category:
ကဗျာ
ခေတ်ကာလ ရေစီးမှာ
လှေထီးတည်း ရွက်ပြန်တိုက်
အညာစရိုက်လေးကို ထွေးပိုက်လို့
ဂန္တ၀င်တေးသွားတွေကို ကြိုက်တယ်။
မျက်နှာပြောင်ပြောင်နဲ့
ခပ်ကြောင်ကြောင် လက်ခုပ်တီး
သီချင်းတစ်ပုဒ် ဆိုအပြီးမှာတော့
ချွေးသုတ်ပြီးသာ ပြန်ထွက်ပါ။
နည်းနည်းရေး များများတွေး
ပိုတာရှိရင်ပေးလိုက်
ဒါပေမယ့်.......
အမှိုက်တော့ မဖြစ်စေနဲ့။
လောကဓံ အထုအထောင်းကို
ဗန်းထဲထည့်ရောင်းလို့ ရသလား
ကံကြမ္မာက
မျက်နှာသာ မချိုသလို
ကျွန်တော် သက္ကရာဇ် တစ်ခုကိုဖြိုပြန်ပြီ။
သုံဆယ့်တစ် အကြိုမှာ
ရှေ့ဖြစ်နောက်ဖြစ်တွေ မလိုပါဘူး
ဟောဟိုက နေမညိုခင်
အဲဒီရွာကို အရောက်ဝင်မယ်။
.jpg)
