နွေတေးရှင်(မင်းဧရာ)

ဒေါင်းတစ်သုတ်
ဗျိုင်းအုပ်ကို ချီဆင်း
ရွာထဲမှာလည်း
အိုးနင်း ခွက်နင်းနဲ့။

ငါ့အရေး  ငါ့အခင်း
ခပ်ဖျင်းဖျင်း ပြဇာတ်တစ်ပုဒ်
ထန်းသီးမှုတ်တို့
ဖရဲသီးပြုတ်ကိုခဲကြ
တစ်ချို့ကတော့
"'ဘို''သွေးတွေကြွလို့။

ဘယ်သူ ဘာလုပ်လုပ်
ဟောဒီ ဇနပုဒ်ကတော့
ဖျံအုပ်လည်း ခံ
ဗျိုင်းသုတ်လည်း ခံ
ငါး ဖြစ်ရတဲ့ ဒဏ်မှာ
ခင်ဗျားတို့ အသံကိုကြောက်တယ်။

ငါ ဆိုတဲ့ မာန်တစ်တိုင်နဲ့
မနက်ဖြန်ကို သင် ပိုင်သလား။

ဆွဲကိုင်လိုက်စမ်းကွယ်
မဆုံးသေးတဲ့ ဒီပန်းတိုင်
အရှုံးအနိုင်တွေ မလိုပါဘူး။
 
အရိုးဖြိုင်ဖြိုင်ပေမယ့်  
နှလုံးသားပင်စည်ခိုင်မှနေ
သံပြိုင်တွေဟစ်ကြွေး
ငါတို့သွေးနဲ့ နွေးရမယ်။

မနက်ဖြန်ကို သင် ပိုင်သလား။

ဆွဲကိုင်လိုက်စမ်းကွယ်
မဆုံးသေးတဲ့ ဒီပန်းတိုင်မှာ
မရှုံးအနိုင်တွေ မလိုပါဘူး။



 ကောင်းမှု့ပြုလုပ်ခြင်းဖြင့် ကောင်းကျိုးခံစားနိုင်ကြပါစေ။

ဥသြတစ်ကိုယ်
ခွန်းဆိုသံဝါ
ခိုကာနားစက်
ရော်ရွက်သက်ကြွေ
ဤတစ်နွေဆို
ရွာအိုဘယ်သို့ ရှိမည်နည်း။

မိုးရူးလေထန်
ဒေါသမာန်ဝင့်
ပျံလွင့်ကာချီ
ရာသီနွေနှောင်း
ဖက်ဆွတ်လောင်းချ
ပြောင်းရတဖုံ
မြသွေးရုံမှာ
ပျိုးခုံဘယ်ပုံ သာမည်နည်း။

မမြင်ရက်ကြာ
ကျွန်ရွက်ဝါငယ်
သာစေရွယ်ရင်း
ငွေနှင်းလည်းကုန်
လူလည်းထုံပြီ
အလွမ်းဖြင့်ရုံသော သည်ရက်ရှည်။

ခါးသက်သက်ပါပဲ
ပါးရှပ်ရှပ်  မျိုချ
ခပ်မောက်မောက် မာနနဲ့
အဲဒီညက ................
သီချင်းတစ်စကို ဆိုလိုက်တယ်။

ကျယ်ပြန့်နက်ရှိုင်းတဲ့  လွင်ပြင်
ကျွန်တော်သင်ခဲ့တဲ့  ရသ
ထယ်သွားတို  ''စည်းချက်''အချမှာ
ခြေထိုးပြီး ကကြတယ်။

ဂီတနတ်သံ လွင့်ပျံအကြွ
မိစံပယ် အတွက်ဟန်မကျလှဘူး။

စာအုပ်ကြီး ကိုင်
မျက်မှန်အထူကြီးနဲ့ ထိုင်နေတဲ့
မောင်နှစ်ဆိုင်  လူကြီးမင်းရေ........
ခင်များလျှာ အထက်
အရသာ မထွက်လှပေမယ့်
ကျွန်တော်ချက်တဲ့ ဟင်း
လက်ကမြင်းခဲ့တာမဟုတ်ဘူး။

သူငယ်တန်း အကြောင်း ဆွေးနွေးချင် ရင်
က၊ခ၊တော့ အရင်သင်ဗျာ...
ကျွန်တော် လွတ်လပ်စွာ ပျံချင်သေးတယ်။

နဒီခွေရာ
ဤ သေလာဦး
လေရူးငယ်သုန်
ကြည်စယ် ယုံမျှ
နားသယ်စ ခို
ရယ်သွမ်းသလို
နမ်းမလို ထင့်။​

မရွံ့တရွံ့
ဖွဖွလွန့်လူး
တိမ်ဖူး ငယ်ရုံ
နံ့သာမှုံ ခြယ်
နမ်းစေရွယ် မင့်
မပြယ်လွင့်စေ
ချင့်ချင့် ခြွေစဉ်
ပျော်ဝင်လှိုက်ခို
ရွှန်းစိုစိုနှင့်
ရှက်သွေး ပျိုသော
ဆည်းဆာချိန် ။

မာနအချို့ကို နံရံချိတ်
မျက်လုံးမှိတ်ပြီး ထိုင်နေတဲ့  ငါ
ခြေထောက်မပါတဲ့ ဒီစိတ်
ဘယ်သူတံခါး ပိတ်ပေးမလဲ။

တစ်ခါတစ်ခါ
ငါ့ ကိုယ် ငါ သနားရင်း
ကမ်းခိုခြင်းမရှိတဲ့   လေပြေလို
စက္ကန့်တွေ  သက္ကရာဇ်ကိုဖြိုတော့
သူ့အလိုလို  ပြိုခဲ့သော အတိတ်
တရိပ်ရိပ်နဲ့    ပြည့်သိပ်လာတဲ့ အိတ်ကလေး
လွယ်...လွယ်ရင်း   လေးလာတော့
 အရောင်ဖြော့ဖြော့  ဆည်းဆာမှာ
 ကွန်ခိုရာကို  ရှာမိတယ်။

ချိုမြိန်မြိန်  တေးတစ်စနဲ့
လက်ချိုးပြီး က တဲ့အရွယ်
ဘ၀  ကိုနိဒါန်းသွယ်တော့
ဘာသာပြန်ဖို့မလွယ်တဲ့  အသိတရား
လှိုင်းရိုက်ပါများတဲ့  ကမ်းပါးလို
 နာကြင်မှု့ကြောင့်  မငိုတော့ဘူး။

ကောက်ကွေ့သော ခရီးတစ်လျှောက်
ထိုးဖေါက်မယ့်   အင်အားက
ညှို့တင်ထားတဲ့    မြှားလို
ဦးတည်ရာကို   ထိုးစိုက်
ရတုတစ်ခု    ဆိုက်တဲ့အရွယ်
ငါ့  အတွေးတွေ   ကြွယ်ခဲ့တယ်။